Kunstenaars
Elna van der Merwe
Elna van der Merwe is ‘n uiters talentvolle en veelsydige Suid-Afrikaanse pianis en kamermusikus met ‘n indrukwekkende loopbaan in musiek. Met formele opleiding aan die Universiteit van Stellenbosch, het sy naam gemaak as ‘n gesogte kunstenaar wat gemaklik tussen genres beweeg, insluitend klassieke musiek, jazz en kabaret. Sy het as solis saam met verskeie nasionale orkeste opgetree en talle toekennings en kompetisies gewen.
Haar vaardighede as pianis maak haar ‘n gewilde keuse vir plaaslike en internasionale kunstenaars. Haar loopbaan sluit in deelname aan al die Unisa Internasionale kompetisies (strykers, sangers en houtblasers) sowel as al die Samro kompetisies sedert die negentigerjare. Samro het haar vereer vir die begeleidingswerk tydens die sang en intrumentale kompetsies. As ‘n multi-talentvolle pianis het sy aan verskeie twee-klavier konserte deelgeneem saam met Zorada Temmingh as die “Blondes” - hulle het oa in Lesotho, Israel en London opgetree het.
Sy tree in al die prominente kunstefeeste op in Suid Afrika. Haar deelname aan bekroonde produksies onderstreep haar artistieke nalatenskap. Tydens die onlangse Woordfees (2024) het haar produksie “Opera Gunstelinge” die toekenning vir beste produksie in vokale klassieke musiek ontvang.
As musiekkurator van die unieke Tankwa Classics musiekkfees, kombineer sy haar kreatiwiteit en ervaring om onvergeetlike musikale ervarings te skep onder die sterbelaaide Karoo hemel. Elna is tans lid van die Take Four klavierkwartet, wat bestaan uit Zanta Hofmeyr (violis), Jeanne-Louise Moolman (altviolis) en Susan Mouton (tjellis), wat sedert 2022 landswyd optree. Hulle tree in Mei 2025 in Malta op. Haar toewyding en passie maak haar een van Suid Afrika se mees gewaardeerde pianiste en musiekkunstenaars.
Jeanne-Louise Moolman
Annien Shaw
Corneil Muller
Corneil Muller is 'n talentvolle musikant en akteur, oorspronklik van Bloemfontein. Hy het in 2004 aan Grey-Kollege gematrikuleer en begin op 8-jarige ouderdom tjello speel onder Arend Brink. Later het hy lesse ontvang van Marian Lewin, Hans Huyssen en Michael Haller. In 2002 het hy 'n beurs ontvang om musiek aan die Universiteit van Michigan, VSA, te studeer.
Hy het van jongs af in vokale groepe gesing en gereeld solo-optredes (tjello, sang en toneelspel) gedoen. In 2004 het hy die prys vir beste ensemblespeler by die Stellenbosch Nasionale Ensemblekompetisie gewen, en in dieselfde jaar ontvang hy ‘n goue penning van die ATKV vir toneelspel.
Corneil het in 2005 aan die Universiteit van die Vrystaat begin studeer en as solis getoer saam met verskeie groepe regoor Suid-Afrika, insluitend 'n toer na Egipte en Europa. Hy het in verskeie professionele produksies as akteur, sanger en tjellis opgetree. In 2008 behaal hy sy graad in Geïntegreerde Bemarkingskommunikasie.
In 2017 het hy na Mallorca, Spanje, verhuis om in die buiteland te sing en in 2019 het hy deelgeneem aan The Voice South Africa, waar hy onder die Top 32 eindig.
Lynelle Kenned
Susan Mouton
Susan Mouton het in Durban grootgeword en op 10-jarige ouderdom begin tjelloles neem. Sy het aan die Universiteit van Pretoria onder Professor Gerard van de Geest gestudeer, waar sy drie keer die Pretorium Trust-beurs ontvang het en die Unisa SA Musiekbeurs gewen het. Sy het as solis met die Universiteitsorkes opgetree en was in 1981 een van die soliste by die CAPAB Musiekfees.
William Berger
William Berger is een van Suid-Afrika se suksesvolste internasionale baritone en het reeds hoofrolle vertolk in talle Europese operahuise, insluitend die Royal Opera House in Londen, Liceu in Barcelona, sowel as in Parys, Luzern, Antwerpen en Lissabon.
As konsertkunstenaar het hy sy debuut gemaak by die Kennedy-sentrum in Washington D.C., waar hy groot lof van kritici ontvang het. Hy het saam met verskeie van die wêreld se voorste orkeste opgetree, soos die London Philharmonic en die simfonieorkeste van Atlanta, Seattle en St. Louis.
Sy uitgebreide diskografie sluit volledige opnames van operas en oratoriums in, sowel as drie solo-albums: Insomnia, Hommage à Trois en Duet. Hy tree gereeld op saam met Cape Town Opera, mees onlangs in die rol van Max Detweiler in The Sound of Music, waarvoor hy die Fleur du Cap-toekenning ontvang het.
As wenner van verskeie kompetisies en pryse is William ook 'n Genoot van die Royal Academy of Music in Londen.
Zanta Hofmeyr
Zanta Hofmeyr is in Johannesburg gebore en het aan die Juilliard-skool in New York gegradueer, waar sy onder leiding van gesiene mentors soos Dorothy Delay en Hyo Kang studeer het. In 1985 het sy haar debuutresitaal in New York gehou by Carnegie Recital Hall as wenner van die Artists International-kompetisie. Sy het opgetree in die VSA, VK, Nederland, Malta, Namibië en Suid-Afrika.
Zanta, die oudste van agt kinders, het haar eerste solo-optrede op 14-jarige ouderdom gehou en het Beethoven se klavierkonsert no. 3 as 16-jarige uitgevoer. Sy tree dikwels op as solis saam met orkeste in Suid-Afrika. Sy het plaaslike premières van werke deur Suid-Afrikaanse komponiste soos Hendrik Hofmeyr en Stefans Grové gegee, en die Britse komponis Richard Pantcheff het 'n sonate vir haar en Wim Viljoen geskryf.
Sy het al die Beethoven-vioolsonates in 1999 uitvoer en het later die siklus herhaal. Kamermusiek is 'n belangrike deel van haar loopbaan, en sy is 'n lid van die Wits Trio. Sy is die ontvanger van verskeie toekennings, insluitend die 2019 Fiësta-prys vir haar samewerking in Violin Dialogue. Zanta is ook betrokke by die ondersteuning van jong talent en is die beskermheer van die Thabang ka Mmino-musiekprojek. Sy is tans deel van die vroulike kwartet, TAKE FOUR.
